Nuk është miratuar ende nga EMA, Hungaria shteti i parë i BE që merr vaksinën kineze

Hungaria është i pari dhe i vetmi shtet i Bashkimit Europian që do të përdorë vaksinën kineze anti-Covid për qytetarët e saj.

Por sipas mediave ndërkombëtare, Agjencia Europiane e Barnave, (EMA) nuk ka asnjë kontakt për momentin me kompaninë kineze dhe për këtë arsye vaksina e prodhuar prej tyre nuk certifikohet nga EMA për sigurinë dhe efikasitetin e saj.

Zëdhënësi i Komisionit Evropian, Stefan de Keersmaecker, tha në lidhje me vaksinën kineze që Hungaria ka kërkuar të prezantojë në Evropë.

“Siguria dhe efikasiteti i vaksinës duhet të vlerësohet nga EMA dhe për momentin nuk jam në dijeni të ndonjë kontakti midis Ema dhe prodhuesit kinez të vaksinave“, tha zëdhënësi i KE, Stefan de Keersmaecker, duke specifikuar se midis kësaj dhe Komisionit Evropian “nuk ka kontakte”.