Nuk i funksionuan frenat, autobusi bie nga 30 metra lartësi

Një autobus në Filipine që transportonte dhjetëra njerëz humbi frenat dhe ra nga një shkëmb në provincën qendrore të Antique, duke vrarë të paktën 16 persona, thanë autoritetet lokale.

Pamjet e dëshmitarëve okularë kapën pasojat e aksidentit me viktimat dhe të plagosurit që shihen duke u ndihmuar nga banorët, teksa ishin shtrirë pranë autobusit të përplasur.

Mediat lokale bëjnë të ditur se tetë persona ishin në gjendje kritike në spitale, ndërsa katër ishin në gjendje të qëndrueshme.

Autobusi i pasagjerëve nga provinca Iloilo ishte rrugës për në qytetin Culasi në Antik, të martën pasdite, kur frenat e tij nuk funksionuan në një rrugë gjarpëruese dhe u zhyt 30 metra poshtë në një luginë. Operacionet e shpëtimit janë ndalur pasi të gjithë trupat e dukshëm në vend janë tërhequr, tha qeveria provinciale e Antique në Facebook. Numri i përgjithshëm i pasagjerëve, që fillimisht u vlerësua të ishte 53, ishte ende për t’u verifikuar, shtoi ajo.