Obama flet për Merkel: Ka bërë punë të shkëlqyeshme

Ish-presidenti i Shteteve të Bashkuara, Barack Obama së bashku me kancelaren gjermane, Angela Merkel, morën pjesë në një debat publik në Berlin.

Obama tha se Merkel është person që ka bërë “punë të shkëlqyeshme” dhe po ashtu ai mbrojti presidencën e tij.

Duke folur për rritjen e nacionalizmit dhe ksenofobisë në botë, Obama tha se “ne duhet të shtyjmë prapa këto trendenca që mund të shkelin të drejtat e njeriut apo të shtypin demokracinë ose të kufizojnë liritë individuale”.

Obama gjithashtu foli edhe për nevojën për ndihmën për zhvillim dhe diplomaci, duke i cilësuar si pjesë të politikës së sigurisë kombëtare.

“Ne nuk mund ta izolojmë veten, nuk mund të fshihemi prapa murit”, tha Obama./REL/