OBSH: Gjatë festave të fundvitit mbajini maskat edhe në shtëpi

Përpara bashkimeve familjare për festat e Krishtlindjeve dhe Vitit të Ri, Organizata Botërore e Shëndetësisë fton qytetarët të mbajnë maska edhe në shtëpi. OBSH-ja bën thirrje për kujdes të shtuar pasi ekziston një rrezik i lartë i një vale të tretë në fillim të vitit 2021 në Europë. ”Përkundër një progresi të brishtë, transmetimi i Covid-19 mbetet i përhapur”, shpjegon organizata. OBSH thotë se të gjithë duhet të punojnë së bashku, nëse duan të jenë në gjendje ta parandalojnë valën e tretë dhe ta frenojnë Covid-19.