OKB e shqetësuar: Shteti Islamik vazhdon gjenocidin ndaj jazidëve, shesin gratë e vajzat

Sipas këtij komisioni, bota ka bërë pak për ta paralanduar këtë gjë.

Ky komision i Hetimeve në Siri, ka raportuar se luftëtarët e Shtetit Islamik janë duke tentuar të shesin gratë dhe vajzat jazidi përpara se të ikin, pas përshpejtimit të fushatës për largimin e militanëve të Shtetit Islamik nga qyteti Raka.

“Gjenocidi është duke vazhduar dhe mbetet i pazgjidhur, pavarësisht obligimit të Shteteve të Bashkuara, për të ndaluar dhe ndëshkuar krimin”, është thënë tutje nga ky komision.

Më 2015, në Sinjar të Irakut janë gjendur rreth 30 varreza masive të jazidëve.

“Mijëra burra dhe djemë jazidi mbeten të zhdukur derisa grupi terrorist vazhdon të kryejë sulme brutale ndaj rreth 3,000 vajzave dhe grave në Siri”, ka thënë ndër të tjera komisioni.