Operacion antidrogë në Itali, arrestohen dhe disa shqiptarë

Me urdhër të Prokurorisë italiane e vendim të Gjykatës së Raguzës janë ekzekutuar urdhërndalimet për 18 persona, mes tyre shtetas shqiptarë, tunizianë dhe italianë. Akuza ndaj tyre është trafik i lëndëve narkotike.

Gjatë operacionit janë kryer kontrolle në banesa ku është sekuestruar dhe një sasi lënde narkotike.

Ata zotëronin dhe furnizonin tregjet e shitjes së drogës në komunat siciliane të Comiso, Santa Croce Camerina e Ragusa.

Plot 90 trupa policorë të Komandës Provinciale të provincës së Raguzës morën pjesë në operacion. Në mesditë gjatë një konference për mediat, Komanda Provinciale e Raguzës pritet të zbardh detajet e operacionit.