Pa telekomunikacion për orë të tëra; Rikthehet interneti në Gaza

Sipas grupit të monitorimit të internetit NetBlocks, mësojmë se lidhja e internetit po rikthehet në Rripin e Gazës.

Netblocks raporton se kjo ndërprerje ka qenë e dyta më e gjatë, që prej fillimit të luftës.

Shoqata Palestineze e Gjysmëhënës së Kuqe tha gjithashtu se shërbimet e telekomunikacionit dhe internetit në Rripin e Gazës u rivendosën. Ata thanë se ishte “prerë qëllimisht dhe me forcë nga autoritetet izraelite”. Duke mos qenë kështu në gjendje të bëjnë  verifikimet e nevojshme.

“Kjo ndërprerje e përsëritur shton më tej vuajtjen e ekipeve të reagimit ndaj fatkeqësive,” shtoi PRCS në një postim në X.