Pakënaqësi e madhe qytetare, e gjithë bota po “zien” nga protestat

Kupa e dëshirës për ndryshim është mbushur, dhe ajo po fillon të derdhet në mbarë globin.

Protestat e qytetarëve të pakënaqur janë përhapur në të gjithë botën. Trazirat për një të ardhme më të mirë kanë përfshirë jo vetëm Europën por edhe kontinentet e tjera.

Këtë muaj por jo vetëm, në rrjetet sociale kanë qarkulluar imazhe nga më domethënëset, nga njerëz të cilët demostrojnë në sheshet e vendeve ku jetojnë.

Ndryshe nga Shqipëria, e cila del në protestë kur u bëhet thirrje nga një parti politike, vendet të cilat po protestojnë aktualisht nuk kanë asnjë lidhje me partitë, por me pakënaqësinë e krijuar prej tyre.

Por a e dini se kush janë shtetet të cilat nuk po gjejnë qetësi nga protestat dhe se çfarë kërkojnë protestuesit?

1. Panamaja, proteston kundër reformave që i japin më shumë fuqi Parlamentit.
2. Kili, një nga protestat më masive, proteston për barazi më të madhe dhe ndryshime kushtetuese.
3. Iraku, demonstron kundër korrupsionit dhe mungesës së shërbimeve themelore.
4. Bolivia, proteston mbi rezultatin e zgjedhjeve parlamentare të 20 tetorit.
5. Haiti, proteston për shkak të mungesës kombëtare të karburantit.
6. Hong Kong, proteston për shkëputjen nga territori i Kinës.⠀
7. Libani, ndoshta protesta më e dhunshme, proteston për dorëheqjen e qeverisë së korruptuar.
8. Kashmiri, proteston mbi bllokimin dhe humbjen e një statusi të veçantë të vendit.
9. Spanja, proteston për bindjen e nëntë personave për rolin e tyre në  kërkesë për pavarësinë e Katalonjës.