Papa Françesku: Dua të shkoj në Kiev

Luftën ruse në Ukrainë e ka dënuar dhe sot Papa Françesku u tha gazetarëve se dëshiron të vizitojë Ukrainën. Kur u pyet për një udhëtim të mundshëm të ardhshëm në vend, ai tha “Kam një dëshirë të madhe të shkoj në Kiev”.

Ati i Shenjtë bisedoi në avionin papal me gazetarët që udhëtonin me të nga Roma në Kanada. Asnjë papë nuk e ka vizituar kurrë Moskën dhe Papa Françesku ka qenë i hapur për veprimet e Rusisë në Ukrainë.

Muajin e kaluar ai akuzoi në mënyrë implicite Moskën për një “luftë agresioni mizore dhe të pakuptimtë”.