Papa: Vëllezër ndaluni! Lufta është gjithmonë një humbje

Papa Françesku ka kërkuar që t’i jepet fund konfliktit mes Izraelit dhe militantëve të Hamasit. Sipas tij, lufta është gjithmonë një humbje.

“Edhe një herë mendimet e mia shkojnë për atë që po ndodh në Izrael dhe Palestinë. Jam shumë i shqetësuar dhe i hidhëruar. Lutem dhe jam afër të gjithë atyre që po vuajnë; pengjet, të plagosurit, viktimat dhe familjarët e tyre.

Mendoj për situatën e rëndë humanitare në Gaza dhe jam i trishtuar që spitali Anglikan dhe Kisha Ortodokse Greke janë bombarduar së fundmi.

Ripërsëris thirrjen për hapjen e hapësirave në mënyrë që ndihmat të vazhdojnë të hyjnë në Gaza dhe që pengjet të lirohen. Lufta është gjithmonë një humbje. Është shkatërrim i vëllazërisë njerëzore. Vëllezër, ndaluni”, ishte ky mesazhi që Papa përçoi sot.