Paris, shpërthen një motor jashtë ndërtesës së atasheut ushtarak

Një motoçikletë ka shpërthyer përpara ndërtesës së atasheut ushtarak jordanez në Paris, mëngjesin e kësaj të mërkure.

Lajmi u bë i ditur nga zëdhënësi i Ministrisë së Jashtme të Jordanisë.

Shpërthimi u shkaktoi dëme të vogla automjeteve parkuara para ndërtesës, njoftoi zëdhënësi.

 Ai shtoi se ambasadori jordanez në Paris u sigurua që i gjithë stafi të ishte i sigurt, dhe deri më tani nuk raportohet për të lënduar.

Ministria franceze ka konfirmuar më vonë incidentin, duke shtuar se shkaku i shpërthimit është ende i paqartë.