Partia e sapolindur fiton zgjedhjet

Një parti e sapokrijuar, po del të jetë fituesja e zgjedhjeve të përgjithshme në Bullgari. Me shumicën e votave të numëruara partia e re e qendrës “ne vazhdojmë ndryshimin” ka siguruar mbi 25 përqind të mbështetjeve.

Mund të duhen ditë deri në shpalljen e rezultateve përfundimtare, por nëse fitorja do të konfirmohet, Kiril Petkov do të marrë mandatin për krijimin e qeverisë. Që prej demonstratave masive në verën e vitit 2020 kundër qeverisë Borisov, shumë bullgarë kanë shpresuar për ndryshim.

Petkov ka thënë së është i interesuar për negociata transparente koalicioni me partinë e djathtë “Bullgaria demokratike” e cila siguroi 6 përqind të votave dhe partinë populiste të personalitetit televiziv Slavi Trifonov.