Pas marrëveshjes, zbulohet dhurata që Trump i dha Vuçiç-it

Në Shtëpinë e Bardhë u firmos marrëveshja historike mes Kosovës dhe Serbisë. Për të vlerësuar angazhimin në bisedimet në Uashington, Presidenti Donald Trumpi i ka dhuruar homologut Aleksandër Vuçiç, në mënyrë simbolike “Çelësat e Shtëpisë së Bardhë”.

Dhurata simbolike vjen pas marrëveshjes historike ekonomike të nënshkruar mes presidentit Aleksandër Vuçiç dhe kryeministrit Avdullah Hoti, pas takimit dy ditor në Uashington dhe në praninë e Presidentit të Shteteve të Bashkuara.

Presidenti i Serbisë është shprehur se Trump i ka lënë edhe një shënim në një letër. ”Ky është një stilolaps që unë kam marrë nga Donald Trump, vetëm ai ka nënshkruar me të, ndërsa ai më shkruajti një shënim në një copë letër. Kam marrë çelësat e Shtëpisë së Bardhë. Ai më tha: Kjo është për ty që të jesh gjithmonë në gjendje të hysh në Shtëpinë e Bardhë”.