Pas një takimi të BE-së dy ministrat europian pozitiv me Covid-19

Pasi morën pjesë në një takim me kolegët nga Bashkimi Europian Ministrat e Jashtëm të Austrisë dhe Belgjikës rezultuan pozitiv me Covid-19.

Ministri austriak, Alexander Schallenberg dhe ministrja belge, Sophie Ëilmes u ulën krah për krah gjatë një mëngjesi të përbashkët në një takim të ministrave të jashtëm të BE-së në Luksemburg të hënën, tha Ministria e Jashtme austriake.

“Dyshohet se Schallenberg mund të jetë infektuar në Këshillin e Punëve të Jashtme në Luksemburg të hënën,” tha një zëdhënës i ministrisë së tij në një deklaratë, duke shtuar se ai nuk kishte simptoma dhe ishte testuar si një masë rutinë.

Ëilmes njoftoi të shtunën, një ditë pasi u vet-izolua për shkak të simptomave të COVID-19, se ajo doli pozitive.

Ministri i Jashtëm gjerman, Heiko Maas ishte negativ në testimin s së premten dhe nuk ishte në kontakt të ngushtë me Schallenberg, tha ministria e tij, ndërsa ministrja suedeze, Ann Linde do të punojë nga shtëpia derisa të marrë një rezultat negativ të testit, tha ministria e saj.

Disa ministra të tjerë të jashtëm, përfshirë Jean-Yves Le Drian të Francës dhe Arancha Gonzalez Layen të Spanjës, kanë dalë negativ në ditët e fundit.

Greku Nikos Dendias “testohet shumë shpesh në covid-19, duke pasur parasysh udhëtimet e shpeshta dhe është mirë”- tha një burim nga ministria Greke.