Përdori fondet e BE-së për aktivitete partiake, Marine Le Pen del para gjykatës

Udhëheqësja e ekstremit të djathtë në Francë, Marine Le Pen është akuzuar për shpërdorim të fondeve të Bashkimit Evropian. Ndaj zonjës Le Pen u ngritën dje zyrtarisht akuza për përdorimin e fondeve të BE për të paguar ndihmësit e saj parlamentarë në Francë.

Zonja Le Pen doli dje para gjykatësve në Francë ku dëgjoi akt-padinë për thyerje të besimit publik dhe bashkëpunim në thyerjen e besimit publik lidhur me pagesat për dy prej asistentëve të saj gjatë periudhës kur ishte anëtare e Parlamentit Evropian.

Hetimet përqëndrohet mbi dyshimet se forca politike e zonjës Le Pen, Fronti Popullor ka përdorur fonde të Bashkimit Evropian për aktivitete partiake në Francë. Zonja Le Pen i ka hedhur vazhdimisht poshtë këto akuza duke i cilësuar si të motivuara politikisht.

Parlamenti Evropian e akuzon politikanen franceze se ka keqpërdorur 5.7 milionë dollarë. Marine Le Pen u zgjodh në Parlamentin Evropian në 2004, njofton Voa.