Po nëse Putin humb luftën, çfarë ndodh me Rusinë?

Është dita e 12-të e luftës ruse në Ukrainë. Presidenti i Rusisë, Vladimir Putin duket se ka bërë një gabim strategjik, pasi mund të çojë ushtrinë drejt një kostoje të madhe dhe dobësim, duke ulur moralin e ushtarëve, konsumuar burimet dhe duke mos marrë asgjë në këmbim përveç zhytjes së vendit në varfëri e kaos.

Skenari më i keq për Putin është se nga degradimi gradual i ekonomisë së Rusisë dhe rritjen e izolimit të saj, do të humbasë mbështetjen e popullit rus dhe elitës politike.

Në fjalimin e tij për Ukrainën, Putin foli si të ishte në mesin e shekullit XX. Ai shqetësohej për nacionalizmin gjermanofil në Ukrainën e 1940-s. Duke e cilësuar Ukrainën si naziste, ai foli për qëllimin e ndërhyrjes ushtarake që ishte denazistizimi, në një kohë kur në Kiev nuk ka elementë të të djathtës ekstreme.

Një arsye tjetër për dështimin e Putinit në Ukrainë është publiku rus. Politika e tij e jashtme ka qenë shumë popullore. Në Rusi, aneksimi i Krimesë mori shumë mbështetje, ndërsa e kundërta po ndodh tani.

Pasojat e humbjes së Rusisë në Ukrainë do të sjellin sfidë të madhe për Evropën dhe SHBA për të rindërtuar Ukrainën me qëllim anëtarësimin e saj në BE dhe NATO. Nëse Putini humb, Rusia rrezikon të kthehen në një diktaturë me ushtri nukleare ose në rastin më pozitiv mund të integrohet në Europë.