Presidenca franceze: ​Shëndeti i Macron mbetet i qëndrueshëm

Presidenti francez, Emmanuel Macron doli pozitiv me Covid-19 vetëm pak ditë më parë. Gjendja shëndetësore e Presidentit të Francës është e qëndrueshme, sipas një njoftimi të bërë sot nga Presidenca franceze. ”Shëndeti i presidentit është ende i qëndrueshëm”,-tha për ”Reuters”, një zyrtar.

Macron, 43-vjeç, mësoi të enjten se ishte pozitiv ndaj virusit vdekjeprurës dhe ka qenë në vetizolim që atëherë në vilën presidenciale, pranë Pallatit të Versajës. Lajmi është konfirmuar nga zyra e tij. Ai bëri testin pasi iu shfaqën simptomat dhe tani është i izoluar menjëherë.

Macron është ende në detyrën e drejtimit të vendit dhe do të punojë në distancë. Nuk është e njohur se si Macron mund ta ketë marrë virusin, por zyra e tij tha se po identifikonte të gjithë ata që kanë qenë në kontakt të ngushtë me të për ti informuar për situatën.