Presidenti Biden i hap rrugën hakmarrjes së Izraelit: Hamasi duhet të paguajë

Presidenti i SHBA-së, Joe Biden duket se mbështet hakmarrjen e paralajmëruar nga Izraeli kundër Hamasit, pas sulmeve të së dielës që lanë më shumë se 1200 persona të vrarë. Për të Hamasi i ka duar me gjak dhe për këtë gjë duhet ta paguajë.

“Duart e përgjakura të Hamasit do ta paguajnë për atë që bënë. Izraeli e ka për detyrë të kundërpërgjigjet”, u shpreh Biden, teksa konfirmoi vdekjen e 14 amerikanëve nga sulmet.

Po ashtu presidenti amerikan e krahasoi Hamasin me ISIS dhe shprehu angazhimin e tij për të dërguar më shumë armë në ndihmë të Izraelit.