Presidenti i Izraelit: Nëse shpërthen lufta me Hezbollahun “Libani do të paguajë çmimin”!

Në konferencën për shtyp me presidentin francez Emmanuel Macron këtë të martë, presidenti izraelit Isaac Herzog u shpreh se Libani nuk mund të pretendojë se është i pafajshëm kur Izraeli sulmohet nga Hezbollahu,

“Duhet të jetë e qartë se Libani do të paguajë çmimin,” nëse shpërthen lufta me Hezbollahun, tha ai.

Hezbollahu “po luan me zjarrin”, shtoi ai.

“Ne nuk po kërkojmë një konfrontim në kufirin tonë verior apo me dikë tjetër”, tha Herzog.

Franca u ka “transmetuar mesazhe” grupeve të tjera që “potencialisht duan të bashkohen me konfliktin” për t’i paralajmëruar që të mos e bëjnë këtë, tha Macron.

Herzog tha gjithashtu se “30 fëmijë janë atje” pasi janë rrëmbyer nga militantët e Hamasit.

Ka pasur një rritje të përleshjeve midis Izraelit dhe Hezbollahut, një lëvizje islamike e mbështetur nga Irani që ka bazën e saj kryesore në kufirin Izrael-Liban. Të hënën, burimt e CNN  kanë bërë me dije se  ministri i informacionit të Libanit tha se qeveria “nuk dëshiron luftë” me Izraelin, por se kërcënimet nga Izraeli janë bërë një “dukuri e vazhdueshme”.