Pro-rusët shpallin fitoren në Mariupol, Ukraina: Luftimet vijojnë

Ofensiva e ushtrisë ruse në Ukrainë është zhvendosur në pjesën lindore të vendit. Luftime të ashpra janë regjistruar gjatë ditës së hënë në rrethinat e Mariupolit.

Separatistët pro-rusë deklaruan se qyteti portual tashmë ishte në kontrollin e forcave ruse, gjë që u mohua menjëherë nga Kievi zyrtar.

Ushtria ukrainase bëri me dije se është duke bërë një qëndresë të fortë në Mariupol, pavarësisht se disa raportime të më hershme deklaruan se lufta ishte pranë përfundimit.