Pse Erdogani i Turqisë cilësot “partner” i SHBA

Nga Bridget Johnson
“Fox News SHBA”
Për të festuar 94 vjetorin e themelimit të Republikës së Ataturkut, sekretari i shtetit Rex Tillerson lëshoi një deklaratë të dielën duke lavdëruar Turqinë e Erdoganit si një “partner strategjik” në “trajtimin e shkaqeve të paqëndrueshmërisë në të gjithë botën” dhe duke punuar për “të promovuar paqen dhe prosperitetin në të gjithë Globin.”
Autokrati në Ankara, jo vetëm që po përpiqet të shpërbëjë shtetin laik të Ataturkut, por “partnerët strategjikë” të Uashingtonit, zakonisht nuk prekin punonjësit e konsullatës së SHBA-së dhe amerikanët në një spastrim paranojak.
Autoritetet turke arrestuan Metin Topuz, një oficer ndërlidhës në konsullatën amerikane në Stamboll, i cili ka qenë i punësuar atje që nga viti 1994 në fillim të tetorit, dhe e akuzuan atë për kontakte me komplotistët e puçit të vitit të kaluar, komploti më i fryrë i historisë ndonjëherë, duke shkuar në më shumë se 60,000 arrestime të lidhura me puçin, që nga korriku 2016, si dhe duke pretenduar se ai ishte i përfshirë në shpërthimet e Stambollit të vitit 2003 të kryer nga al-Kaida.
Pas arrestimit të Topuzit, SHBA ngriu shërbimet e vizave jo emigruese me Turqinë dhe Ambasada Turke në D.C u hakmor duke pezulluar aplikimet e vizave.
Zyrtarët turq pastaj shkuan pas punonjësit të konsullatës Mete Cantürk, së pari duke e marrë në paraburgim dhe duke e marrë në pyetje gruan dhe vajzën e tij. Mediat pro-Erdoğanit akuzuan se Cantürk lexoi gazetën anti-Erdoğan Zaman, e cila u mbyll nga qeveria vitin e kaluar dhe ishte mik me redaktorin. Cantürk akuzohet gjithashtu për dëgjimin e programeve të radiove, të akuzuara si radio Gyleniste ndërsa ishte në makinën e tij. Zyrtarët turq kanë pohuar se Cantürk ka përdorur punën e tij konsullore për të lehtësuar aksesin për turqit që duan të vizitojnë armiqtë e Erdoganit, klerikun Fethullah Gylen, në bazën e tij në Saylorsburg, Pa.
Më 24 tetor, një grup dypartiak i senatorëve, të nevrikosur për arrestimet e Topuzit, Cantürk dhe një tjetër punonjës i paidentifikuar i konsullatës amerikane – vetëm disa raste të “metodës erozive të të drejtave të njeriut dhe rënies së vlerave demokratike” të Erdogan – i dërguan një letër Presidentit Trump duke vënë në dukje se Turqia mund të jetë një aleat strategjik në një pjesë të botës, por Erdogani “e ka shkatërruar demokracinë e Turqisë duke ngritur sulm ndaj sundimit të ligjit duke përdorur autoritetet emergjente të shtetit për të shtypur të drejtat themelore duke përfshirë lirinë e fjalës, gjyqësorin, dhe duke shuar çdo shprehje të opozitës.”
Presidenti duhet t’i dërgojë një “mesazh të qartë” Erdogan-it, shkruajnë senatorët, se SHBA-të “nuk do të tolerojnë këtë lloj sjelljeje dhe se çdo bashkëpunim duhet të bazohet në një angazhim të përbashkët për të drejtat e njeriut dhe sundimin e ligjit”.

Tri ditë më vonë, në një pritje të Uashingtonit, të ofruar nga Ambasadori turk në SH.B.A. Serdar Kılıç, Nënsekretari i Shtetit për Çështjet Politike Thomas Shannon lexoi një mesazh të përgëzimit të Ditës së Republikës nga Trump ndaj Erdogan-it duke përshëndetur bashkëpunimin kundër terrorizmit midis dy shteteve dhe duke shtuar muzikën në veshët e regjimit: “SHBA përsëri nënvizon mbështetjen e saj të palëkundur ndaj institucioneve demokratike në Turqi dhe rithekson që ajo dënon përpjekjen e shtetit të 15 korrikut 2016. Ne e vlerësojmë trimërinë e qytetarëve të angazhuar turq për të mbrojtur demokracinë e tyre në atë ditë tragjike”.
Përpjekja e grushtit të shtetit nuk ka qenë asgjë më shumë se një justifikim i Erdoganit për të pastruar armiqtë e perceptuar – Gylenistë ose jo-Gylenistë, nuk ka rëndësi për të. Pastori i Karolinës së Veriut, Andrew Brunson, u arrestua një vit më parë në spastrimin pas grushtit të shtetit dhe u akuzua për lidhje të rreme Gyleniste, për spiunazh dhe për përpjekje për të rrëzuar republikën. Erdogan kohët e fundit sugjeroi shkëmbimin e Brunson-it me Gylenin, duke treguar dorën e tij të qartë se pastori është një peng në lojën e tij, jo më shumë një komplotist grusht-shteti sesa dhjetëra mijëra bashkëpunëtorë të tjerë të arrestuar për grusht-shteti.
Ndërsa Trump përgëzon institucionet demokratike në Turqi, ata po shkatërrohen. Ndërsa Tillerson vlerëson Turqinë si partner me Shtetet e Bashkuara për të luftuar “ekstremizmin e dhunshëm”, regjimi i Erdoganit nxit markën e vet të ekstremizmit – duke i dhënë fund fjalës së lirë dhe sundimit të ligjit, gjë që asnjë aleat i NATO-s, apo partner i shpallur kurrë nuk duhet të bëjë.