Putin do përdorë armë bërthamore? Në Ukrainë po shitet në masë jodi

Ukraina po përgatitet për një sulm të mundshëm bërthamor, mes sugjerimeve të forta se Moska po e konsideron një lëvizje të tillë pas dështimeve të ushtrisë në terren. Ata po marrin me shumicë jod, pasi përdoret për trajtimin e helmimit nga rrezatimi.

“Mund të presësh gjithçka nga Putini. Ai është një idiot”, thotë një qytetar. Të tjerë po i përgjigjen me humor paralajmërimeve për apokalips bërthamor.

A ekziston vërtet mundësia që Rusia të përdorë armë bërthamore? Shtetet e Bashkuara dhe NATO e kanë thënë vazhdimisht që po e marrin me seriozitet paralajmërimin e Putinit, e madje Uashingtoni po shqyrton edhe skenarët se si do të reagojë ndaj një mundësie të tillë.

Sipas ekspertëve të sigurisë në SHBA, Putin i cili kurrsesi nuk do të pranojë humbjen në Ukrainë, mund të realizojë një sulm që do ishte një hap larg të qenit bërthamor.