Putin: Kievi për ne është një rrezik, të braktisë idenë e NATO-s

Pasi parlamenti dha dritën jeshile për dërgimin e trupave jashë Rusisë, presidenti Valdimir Putin tha për popullin e tij, se pozicioni ndaj Kievit mbetet i fortë. Ukraina tashmë shihet nga Kremlini si një rrezik për sigurinë e saj.

“Zgjidhja më e mirë do të ishte sikur Kievi të refuzonte vetë NATO-n, dhe të shpallej neutral”, deklaroi Putin, i cili shtoi se mundësia e armëve bërthamore taktike në territorin ukrainas do të ishte e papranueshme dhe një rrezik strategjik për Moskën.

Presidenti Putin zyrtarizoi diçka që u bë e qartë nga momenti i njohjes së dy republikave ruse, të Luhanskut dhe Donjetskut, përfundimin e çdo iluzioni për rifillimin e dialogut diplomatik mbi marrëveshjen e Minskut, që si pikë kryesore kishte pikërisht shndërrimin e dy republikave në entitete autonome, po brenda territorit ukrainas.