Putin mbush sot 70 vjeç, merr urimin nga Kim Jong Un: Një lider i shquar me vullnet të fortë

Presidenti rus Vladimir Putin mbush sot 70 vjeç dhe ka marrë një urim ditëlindjeje nga aleti i tij, lideri i Koresë së Veriut, Kim Jong Un. Në mesazhin e tij, Kim vlerësoi sjelljen e liderit rus ndaj “sfidave dhe kërcënimeve” nga SHBA dhe vlerësoi udhëheqjen e tij, sipas Agjencisë Qendrore Koreane të Lajmeve.

“Sot, Rusia po mbron me besueshmëri dinjitetin e shtetit dhe interesat e saj themelore nga sfidat dhe kërcënimet e SHBA-së dhe forcave të saj vasale. Një realitet i tillë është i paimagjinueshëm pa lidershipin tuaj të shquar dhe vullnetin e fortë”, thotë Kim Jong Un në mesazhin e tij.

Udhëheqësi i Koresë së Veriut tha gjithashtu se lidhjet midis Phenianit dhe Moskës janë “forcuar si kurrë më parë”.