Qyteti në karantinë, 11 milion banorë në rrezik nga virusi vdekjeprurës (FOTO)

Në përpjekje për të ndaluar përhapjen e koronavirusit, qyteti kinez Wuhan është vendosur nën karantinë. Askush nuk do të lejohet të hyjë ose të largohet nga Wuhan, një qytet me 11 milion banorë në provincën Hubei të Kinës, duke filluar nga ora 10:00 e së enjtes, pak përpara Vitit të Ri Hënor.

Karantina u njoftua përmes mediave shtetërore të Mërkurën ndërsa zyrtarët kinezë paralajmëruan se virusi i ri vdekjeprurës po ndryshon dhe po bëhet gjithnjë e më i vështirë për tu kontrolluar.

Koronavirusi një sëmundje e ngjashme me SARS, ka vrarë 17 dhe është sëmurë të paktën 532 njerëz në të gjithë botën përfshirë në Tajlandë, Japoni, Tajvan, Korenë e Jugut dhe SHBA, që rastet e para u raportuan në Wuhan në fund të dhjetorit.

Shqetësimi ndërkombëtar është rritur me zbulimin se virusi përhapet jo vetëm nga kafshët te njerëzit por midis njerëzve. Përhapja e saj duket se po rritet me shpejtësi me disa që vlerësojnë se deri në 10,000 veta në Kinë tashmë janë të infektuar.