Raketat e hedhura në Kiev, persona të bllokuar nën rrënoja

Bomba në kryeqytetin ukrainas, ku që në mëngjesin e sotëm Kievi u zgjua nga raketat ruse. Bombardimet shkaktuan dëme të mëdha në një lagje rezidenciale, ndërsa një pallat 9-katësh u përfshi nga flakët. Ekipet e shpëtimit po punojnë për nxjerrjen e qytetarëve nga rrënojat.

“Godina është shkatërruar dhe persona kanw mbetur nën rrënoja. Ata janë gjallë dhe ekipet e shpëtimit po përpiqen t’i nxjerrin. Ka shumë tym dhe po bëjmë të pamundurën për t’i shpëtuar”,-tha kryebashkiaku i Kievit, Vitaly Klitchko.

Sirenat e alarmit dëgjohen rregullisht në kryeqytet, por sulme të mëdha nuk janë raportuar që prej 5 qershorit 2022. Në një videomesazh, Presidenti ukrainas Volodymyr Zelensky u zotua se do të rifitojnë të gjitha qytetet e pushtuara nga Rusia. Ai pranoi se lufta me Rusinë kishte hyrë në një fazë tejet të vështirë.