Ramazan ndryshe/ Xhamitë në gjithë botën do të jenë të mbyllura

1.8 miliardë myslimanë të botës po përgatiten për fillimin e muajit të shenjtë të ramazanit për shumë myslimanë. Ramazani fillon më 23 prill dhe përfundon më 23 maj. Në periudhën 30-vjeçare, myslimanët agjërojnë gjatë ditës, një praktikë që konsiderohet si një nga pesë shtyllat e islamit.

Vendet e shenjta të islamit, përfshirë Mekën, Medinën në Arabinë Saudite dhe xhaminë Al Aqsa në Jeruzalem, do të jenë të zbrazura gjatë këtij muaji pasi autoritetet kanë këshilluar besimtarët të falen në shtëpitë e tyre.

Xhamia Al Aqsa në Jeruzalem, vendi i tretë më i shenjtë për islamin, siç konfirmoi të enjten këshilli i vakëfit islamik në Jeruzalem, do të qëndrojë e mbyllur. Për myslimanët, një pjesë e rëndësishme e muajit të shenjtë konsiston në faljet e posaçme që mbahen çdo ditë në xhami dhe drejtohen nga imami.

Historikisht, xhamitë janë të mbushura me besimtarë gjatë ramazanit, por këtë radhë, faljet do të mbahen në shtëpi dhe siç thonë klerikët, kjo nuk bën asnjë dallim për sa i takon vlerës së tyre. Në këtë kohë, kur njerëzit janë të vetëizoluar në shtëpi për të evituar përhapjen e koronavirusit, klerikët i inkurajojnë myslimanët të fokusohen tek faljet dhe ta kthejnë izolimin në paqe të brendshme.