Raporti i OKB për klimën, Thunberg: Asnjë surprizë

Aktivistja Greta Thunberg raportin e OKB -së mbi ndryshimet klimatike, i cili tregon se koha për të ndaluar katastrofën po mbaron, e cilëson si jo suprizë. “Nuk përmban surpriza të vërteta. Ai konfirmon atë që ne tashmë dimë nga mijëra studime dhe raporte të mëparshme. Ne jemi në një situatë emergjente”, shkroi aktivistja suedeze në Twitter.

“Është një përmbledhje solide, por e kujdesshme e shkencës më të mirë aktualisht në dispozicion,” shpjegon 18-vjeçarja, duke komentuar në mediat sociale raportin e Panelit Ndërqeveritar për Ndryshimet Klimatike (IPCC) të botuar sot. Pastaj, si gjithmonë, na fton ne për veprim.

“Nuk na thotë se çfarë të bëjmë. Na takon neve të jemi të guximshëm dhe të marrim vendime bazuar në dëshmitë shkencore të siguruara në këto raporte. Ne ende mund t’i shmangim pasojat më të këqija, por jo nëse vazhdojmë si sot, dhe jo pa e trajtuar krizën si krizë”, thekson Thunberg.

It doesn't tell us what to do. It is up to us to be brave and take decisions based on the scientific evidence provided in these reports. We can still avoid the worst consequences, but not if we continue like today, and not without treating the crisis like a crisis. 2/2

— Greta Thunberg (@GretaThunberg) August 9, 2021