Rastet me Covid-19 vijojnë të bien në të gjitha rajonet e Anglisë

Shkalla e infektimit me koronavirus ka rënë në të gjitha rajonet e Anglisë. Kjo sipas të dhënave më të fundit të publikuar nga autoritetet e Shëndetit Publik në Angli.

Në Yorkshire dhe Humber, shkalla e rasteve të reja qëndroi tek 57.4 për 100,000 banorë në shtatë ditë deri më 11 prill. Kjo është shkalla më e lartë e infektimit në të gjitha rajonet, por qëndroi nën 68.5 që ishte javën që kaloi.

East Midlands regjistroi po ashtu 34.9 të infektuar për 100 mijë banorë, nga 44.4 që ishte më parë. Kurse, Anglia Jugperëndimore regjistroi shifrat më të ulëta, 12.8 të infektuar për 100 mijë banorë, nga 15.3 qe ishte më parë.

Që nga fillimi i pandemisë e deri më tani, Britania e Madhe numëron 4,37 milionë të infektuar dhe 127,161 viktima.