Raundi i dytë presidencial sjell protesta kundër kandidates ekstreme Le Pen

Mijëra francezë kanë dalë në protesta kundër kandidates presidenciale, ekstremistes Marin Le Pen, e cila kërkon një bashkim të frontit opozitar kundër Presidentit Emannuel Macron në zgjedhjet e të dielës së ardhshme. Protestat janë organizuar në 30 qytete franceze.

Macron fitoi zgjedhjet presidenciale të 2017-s duke e mundur lehtësisht kundërshtaren Le Pen. Edhe pse këtë vit pritet një rikonfirmim i 44-vjeçarit në krye të Elizesë, sondazhet flasin për një garë të ngushtë mes dy kandidatëve.

Protestuesit kundërshtojnë zgjedhjen e Le Pen përballë presidentit aktual, ndërsa në rrugë kundërshtojnë politikat ekstremiste të Le Pen, racizmin dhe fashizmin, me fushatën që hyn në ditët e saj të fundit, drejt raundit të 24 prillit.