Rritet numri i refugjatëve që vijnë në Europë me gomone

Britania e Madhe thotë se në vitin 2021 arritën në mënyrë të paligjshme në brigjet britanike përmes Kanalit të La Manshit më shumë se 28.300 vetë, tri herë më shumë se në vitin 2020.

Autoritetet spanjolle kanë raportuar një rritje të numrit të refugjatëve që vijnë me gomone. Në vitin 2021 humbën jetën gjatë përpjekjes së tyre për të arritur në Spanjë përmes detit më shumë se 4.400 emigrantë. Numri i të vdekurve është dyfishuar në krahasim me vitin 2020.

Sipas organizatës spanjolle të ndihmës “Caminando Fronteras” vetëm në rrugën nga Afrika Perëndimore drejt Ishujve Kanarie, kanë gjetur vdekjen 4.016 vetë.