Rusët në fushatën Trump-Klinton. Zbulohet i treti i takimit në “Trump Tower”

Përfaqësues i një kompanie ruse që operon në fushën e pasurive të patundshme ishte personi i tretë në takimin e zhvilluar në “Trump Tower”, organizuar gjatë fushatës nga Donald Trump Jr., djali i madh i presidentit.

Avokati Scott Balber konfirmoi të martën për gazetën “Washington Post” dhe rrjetin mediatik CNN se Ike Kaveladze përfaqësonte bisnesmenët në fushën e pasurive të paluajtshme Emin dhe Aras Agalarov, në takimin e zhvilluar në qershor vitit e 2016 në kullën Trump.

Avokati tha se ai ishte kontaktuar nga zyra e Prokurorit të Posaçëm Robert Mueller në lidhje me identitetin e Ike Kaveladze.

Në 2013 Emin dhe Aras Agalarovs organizuan konkursin e Miss Universit në Moskë, pronësinë për të cilin e kishte Donald Trump.

Dy ruso-amerikanë, Anatoly Samochorov dhe Rinat Akhmetshin, u identifikuan nga mediat si shoqëruesit e avokates Natalia Veselnitskaja në takimin, për të cilin djali i Presidentit Trump, fillimisht pati thënë se ishte zhvilluar thjesht për t’i ndaluar amerikanët të adoptojnë fëmijë rusë.

Gjithashtu në takimin me avokate ruse mori pjesë edhe kryetari i fushatës së Donald Trump, Paul Manafort si dhe dhëndri i tij Jared Kushner.

Në emaile, Trump Jr. djali, i madh i presidentit, shprehej entuziast rreth takimit të tij me avokaten që i premtoi të jepte informacione që do të dëmtonin kandidaten demokrate Hillary Clinton.