Rusia i kërkon OBSH të regjistrojë vaksinën e saj

Rusia ka hyrë në një fazë të re për sa i përket garës të shndërruar në globale tashmë për nxjerrjen e vaksinës kundër virusit vdekjeprurës që ka pushtuar botën.

Përmes një shkrese zyrtare autoritetet ruse i kanë kërkuar Organizatës Botërore të Shëndetësisë regjistrimin e shpejtë të vaksinës së saj të quajtur “Sputnik V”.

Lajmi bëhet i ditur nga Fondi i Investimeve Ruse që financon kërkimin, sipas të cilit regjistrimi i shpejtë e bën vaksinën ruse të disponueshme në të gjithë botën.

Revista mjekësore “The Lancet”, në një nga artikujt e saj, bëri me dije se vaksina ruse “Sputnik-V” krijoi antitrupa në të gjithë personat që iu nënshtruan fazave të hershme të testimit.