“Rusia po ndërhyn në zgjedhje për të ndihmuar Trump”, inteligjenca amerikane jep paralajmërimin

Zyrtari i lartë i zgjedhjeve të komunitetit të inteligjencës dorëzoi një konferencë para ligjvënësve javën e kaluar duke i paralajmëruar ata se komuniteti i inteligjencës beson se Rusia tashmë po ndërmerr hapa për të ndërhyrë në zgjedhjet e vitit 2020 me qëllimin për të ndihmuar presidentin Donald Trump të fitojë.

Një konferencë e javës së kaluar, e udhëhequr nga zyrtari për sigurinë e zgjedhjeve Shelby Pierson dhe raportuar së pari nga The Neë York Times, adresoi pasqyrën e përgjithshme të përpjekjeve të Rusisë, duke përfshirë hakimin, armatosjen e mediave sociale dhe sulmet në infrastrukturën zgjedhore.

Raportuesit thanë se Rusia  favorizon Trump, por që të ndihmosh Trump nuk ishte e vetmja gjë që ata po përpiqeshin të bënin pasi ishte krijuar edhe për të ngritur pyetje për integritetin e procesit të zgjedhjeve, shtoi burimi.

Ndërhyrja e Rusisë në zgjedhjet e vitit 2016 – për të cilën komuniteti i inteligjencës amerikane beson se kishte për qëllim forcimin e kandidaturës së Trump dhe dëmtimin e kundërshtarit të tij, Hillary Clinton – çoi në hetimin e këshilltarit special Robert Mueller. Perspektiva e ndërhyrjes në vitin 2020 do të testojë më tej mbrojtjet e SHBA kundër ndërhyrjeve të huaja, të cilat Trump e ka kritikuar në mënyrë të përsëritur, pasi ai ka hedhur poshtë çdo sugjerim që ndikimi i Kremlin të ketë luajtur një rol në zgjedhjet e tij.(CNN)

SCAN