“Salloni i luksit”/ Miliona euro dëm shtetit, 8 të arrestuar në Itali, mes tyre edhe 2 shqiptarë

Operacioni i Guardia Di Finanza në Treviso, i koduar “Salloni i Luksit”, ka shkatërruar një grup kriminal me bazë në Itali me akuzën e mashtrimit fiskal në dëm të shtetit italian.

8 persona janë vënë nën arrest me burg  2 janë shqiptarë, 1 italian e 5 rumunë.

Nën dokumentacione të falsifikuar si fatura e akte noterimi evitonin  pagesën e taksën e regjistrimit të automjeteve lluksoze në Itali.

Ky grup kriminal kishte në  zotërim një shoqëri për shitblerje makinash të përdorura me bazë në Treviso. Automjetet bleheshin në Gjermani, Francë, Spanjë e Belgjikë.

Afera mashtruese kap vlerën e 8.5 milionë euro e 1.5 milione prej tyre në dëm të shtetit.

Hetimet kanë verifikuar 161 shiblerje makinash me vlerë 8.5 milionë euro, ndërsa të arrestuarve u janë sekuestruar të mira materiale me vlerë gjysëm milionë euro.