Samiti i G20/ Masa të rrepta sigurie në Gjermani, priten 8 mijë protestues

Ministri i brendshëm i Gjermanisë, Thomas de Maizere, tha sot se forcat e sigurisë së Gjermanisë presin afro 8 mijë protestues të dhunshëm në qytetin verior të Hamburgut gjatë kësaj jave kur kancelarja gjermane, Angela Merkel do prese liderët e vendeve me ekonomi më të zhvilluar në botë, i njohur si grupi G20.

Maizere tha se afro 20 mijë policë janë ftuar për të garantuar siguri gjatë samitit G20 në Hamburg, më 7 dhe 8 korrik.

Sipas tij, policia po përgatitet për ta mbajtur kontrollin ndaj protestuesve antikapitalistë, të cilët pritet se do të bëjnë trazira.