Sapo ishte bërë nënë, humb jetën nga koronavirusi 27-vjeçarja në Maqedoninë e Veriut

Ka shkuar në 30 numri i viktimave nga koronavirusi në Maqedoninë e Veriut. Mësohet se viktima e fundit është një 27-vjeçare që sapo kishte sjellë në jetë fëmijën.

Gjithashtu Ministria e Shëndetësisë njofton se gjatë 24 orëve të fundit janë regjistruar edhe 46 raste të reja me koronavirus. Kështu që numri i përgjithshëm i pacientëve në Maqedoni tani është 663 persona.

Sipas qyteteve rastet e reja janë 12 në Shkup, 13 në Kumanovë, 8 në Prilep, 1 në Tetovë, 2 në Strugë, 8 në Veles, 1 në Koçnai dhe 1 në Probishtip.

Gjatë ditë së djeshme janë bërë 341 testime ndërsa që nga fillimi deri tani janë bërë 6.571 testime për koronavirus.

Zonat më të prekura janë:

Shkup – 273 Kumanovë – 143 Dibër – 49 Shtip – 20 Prilep – 46 Tetovë – 30 Strugë – 30 Veles – 18 Manastir – 8