Sauditet mund të shohin ndeshje futbolli

Gratë në Arabinë Saudite do të lejohen këtë muaj të marrin pjesë për herë të parë në ndeshjet e futbollit në mbretërinë konservatore, njoftuan dje autoritetet. “Tifozet do të hyjnë në stadiumet e mëdha sportive të mbretërisë për të marrë pjesë në tre ndeshje futbolli në Ligën Profesionale Saudite”, sipas një deklarate të Qendrës për Komunikim Ndërkombëtar e drejtuar nga qeveria. “Tre ndeshjet e para janë planifikuar të zhvillohen të premten, të shtunën dhe më 18 janar”, sipas deklaratës. Në tetor, Autoriteti i Përgjithshëm i Sporteve Saudite, një agjenci shtetërore njoftoi në fillim të vitit 2018 se tre stadiumet e frekuentuara deri më tani nga burrat do të planifikohen edhe për familjarët me vende të posaçme.