Serbia: 9 shtete do të tërheqin njohjen e pavarësisë së Kosovës

Serbia vijon fushatën për të bindur vende që të tërheqin njohjen e pavarësisë së Kosovës.

Shefi i diplomacisë serbe, Ivica Daçiç, njoftoi se kanë njoftim për anulimin e njohjes nga 9 vende. Për të Serbia është e gatshme t’i zbulojë ato sapo pala tjetër të shkelë obligimet që rrjedhin nga Marrëveshja e Uashingtonit.

“Ne do të vazhdojmë me një politikë të tillë. Nëse kërkesa e Kosovës për anëtarësim në Këshillin e Evropës hyn në procedurë, keni dëgjuar se edhe presidenti Vuçiç ka paralajmëruar se do të publikojmë shënime për tërheqjen e njohjeve”, tha ministri i Jashtëm.