Sërish panik në Bejrut/ Zjarr në vendin ku ndodhi shpërthimi tragjik i 4 gushtit (VIDEO)

Në Bejrut, në vendin ku ndodhi shpërthimi tragjik i 4 gushtit, sërish ka dalë tym i zi. Michel el-Murr, kreu i ekipit të kërkimit dhe shpëtimit të departamentit të zjarrfikësve, i cili ishte në vendin e ngjarjes duke luftuar për shuarjen e zjarrit, ka thënë për “The Independent” se ata kanë bërë thirrje për mbështetje.

Në videon e publikuar në mediat e huaja shihet një shtëllungë e madhe tymi që ngrihet në qiellin e kryeqytetit libanez. Michel el-Murr, kreu i ekipit të kërkimit dhe shpëtimit të departamentit të zjarrfikësve, i cili ishte në vendin e ngjarjes duke luftuar zjarrin tha se në zonëne portit që po digjej nuk kishte njerëz.

“Nuk e dimë ende se çfarë po digjet apo çfarë e shkaktoi, por po përpiqemi të vëmë nën kontroll zjarrin, i cili është shumë i madh. Na duhet një përzierje mes ujit dhe shkumës. Ne kemi kërkuar mbështetje, kemi nevojë për mbrojtjen civile dhe të gjitha ekipet e departamentit të zjarrfikësve tani”,- ka thënë ai.