Sërish shifra të larta në Greqi, konfirmohen 941 raste pozitive dhe 22 viktima në 24 orë

Vijojnë shifrat e larta të infektimeve dhe viktimave nga koronavirusi.

Gjatë 24 orëve të fundit, autoritetet shëndetësore të vendit fqinj raportojnë se janë konfirmuar 941 raste të reja infektimi.

I lartë mbetet edhe numri i viktimave, ku në 24 orë kanë ndërruar jetë 22 pacientë, duke e çuar në 5764 numrin total të të vdekurve nga virusi i rrezikshëm.

Ndërkohë, numri i përgjithshëm i të infektuarve, që nga nisja e pandemisë në Greqi, është 155 678. Gjithashtu, 260 pacientë janë në intubim.