Sërish shifra të larta në Maqedoninë e Veriut, 7 viktima dhe 125 raste të reja me COVID-19

Maqedonia e Veriut vijon të shënojë shifra të larta si pasojë e COVID-19 nga dita në ditë.

Gjatë 24 orëve të fundit u shënuan 125 raste të reja nga 1,019 teste të kryera.

Në total numri i të infektuarve në vend është 3,364.

Gjithashtu këtë të mërkurë u regjistruan edhe 7 viktima të tjera nga koronavirusi me një total prej 164 të vdekur.

Edhe numri i të shëruarve është rritur ku 6 pacientë kanë lënë spitalet.

Në të gjithë vendin që prej fillimit të pandemisë janë kryer 39,033 tampone.