SHBA/ Demokratët kërkojnë shkarkimin e Trump, një anëtar paraqiti rezolutën

Për të tretën herë këtë vit, një anëtar demokrat i Dhomës së Përfaqësuesve të SHBA, paraqiti një rezolutë për shkarkimin e presidentit Donald Trump, i akuzuar për pengesë të hetimeve për ndërhyrjet ruse në fushatën zgjedhore të 2016-tës.
Dhoma e Përfaqësuesve kontrollohet nga shumica republikane e presidentit amerikan, rezoluta për momentin besohet se nuk ka shanse që të miratohet.

“I bëjmë thirrje Dhomës për të nisur menjëherë seancat dëgjimore për shkarkimin e Trumpit”, deklaroi Steve Cohen, deputet i Tennessee.

Ai akuzon gjithashtu miliarderin për pengim të pavarësisë së gjyqësorit dhe lirisë së shtypit, dhe për përfitim nga funksioni i tij për t’u pasuruar, në sajë të hoteleve.

Rezoluta është mbështetur sipas tij nga pesë kolegë, të gjithë demokratë.

Dy rezolutat e tjera janë shfaqur kohë më parë ose janë depozituar zyrtarisht nga deputetët demokratë (Brad Sherman (në korrik) dhe Al Green (në tetor), ky i fundit mbështeste gjithashtu tekstin e Steve Cohen.