SHBA: Gatishmëri për aksion kundër Sirisë nëse përdoret gazi kimik

Shtetet e Bashkuara janë “ekstremisht” të shqetësuara” nga raportet se forcat e Sirisë aktualisht kanë përdorur gazin klor si armatim në sulmet në pjesën lindore të Sirisë, ka thënë mbrëmë vonë zëdhënësja e Departamentit amerikan të shtetit, Heather Nauert.

Njëherësh, zyrtarë të lartë të Shteteve të Bashkuara thanë se administrata e presidentit, Donald Trump, është e gatshme që pësëri të ndërmarrë aksion ushtarak kundër forcave qeveritare të Sirisë, nëse është e nevojshme për zmbrapjen e përdorimit të armatimit kimik.

Ky zyrtar, që ka folur në kushte të anonimitetit, tha se Shtetet e Bashkuara janë të shqetësuara se regjimi i Sirisë mund të zhvillojë metoda të reja për hedhjen e armatimit kimik.

Forcat lndaj qeverisë së presidentit të Sirisë, Bashar al-Assad, kanë vazhduar që herë pas herë ta përdorim armatimin kimik në sasi të vogla, prej sulmit vdekjeprurës në prill të vitit të kaluar, i cili ndikoi që Shtetet e Bashkuara të ndërmarrin sulme raketore kundër një baze ajrore siriane, u kanë thënë gazetarëve zyrtarët amerikanë.

Nëse komuniteti ndërkombëtar nuk vepron shpejt për ta shtuar presionin ndaj Assadit, armatimi kimik i Sirisë mund të përhapet jashtë Sirisë dhe me gjasë edhe në Shtetet e Bashkuara, ka thënë njëri prej zyrtarëve.

“Do të përhapet nëse ne nuk bëjmë asgjë”, ka tërhequr vërejtjen Nauert.