SHBA padit Huawei – Akuzon firmën se ka vjedhur sekrete tregtare dhe ka mbështetur Iranin

Prokurorët në SHBA kanë akuzuar Huawei për vjedhjen e sekreteve tregtare dhe mbështetjen e Iranit në gjurmimin e protestuesve, duke i dhënë vrull luftës së Amerikës me kompaninë më të madhe në botë të telekomunikacionit. Huawei u akuzua se ka komplotuar për të vjedhur sekrete tregtare nga gjashtë kompani të teknologjisë në Shtetet e Bashkuara dhe ka shkelur një ligj të shantazhit që përdoret zakonisht për të luftuar krimin e organizuar.

Padia përfshin gjithashtu akuza se kompania është përfshirë me vende që janë subjekt i sanksioneve. Huawei është akuzuar gjithashtu se ka instaluar një pajisje të mbikëqyrjes në Iran, që është përdorur për të monitoruar, identifikuar dhe arrestuar protestuesit gjatë një proteste kundër qeverisë në vitin 2009. Shtetet e Bashkuara kanë krijuar një fushatë kundër Huawei, ku ka paralajmëruar për spiunimin e konsumatorëve në Pekin.

Washingtoni e ka vendosur kompaninë në listë të zezë vitin e kaluar, prej shqetësimeve të sigurisë kombëtare. “Padia është një përpjekje për të dëmtuar në mënyrë të pakthyeshme reputacionin e Huawei, për arsye të lidhura me konkurrencën se sa me zbatimin e ligjit”, deklaroi Huawei.

SCAN