SHBA: Rusia të përjashtohet nga Këshilli i OKB-së

Edhe njëherë tjetër, SHBA-ja përsëriti thirrjen që Rusia të pezullohet nga Këshilli i OKB-së për të Drejtat e Njeriut, duke thënë se Uashingtoni i ka quajtur krime lufte sulmet ndaj Ukrainës.

Linda Thomas-Greenfield, ambasadorja e SHBA në OKB, tha se “Rusia nuk duhet të ketë një pozicion autoriteti në një organ, qëllimi i të cilit është të promovojë respektimin e të drejtave të njeriut”.

Për të pjesëmarrja ruse “dëmton” besueshmërinë e këshillit të të drejtave të njeriut, pas “luftës së paprovokuar dhe krizës humanitare”.