“Shërbim taksi falas”, ja gjesti i mrekullueshëm i taksistit pas sulmit në Mançester (FOTO LAJM)

Ai është AJ Singh, i cili u gjend rastësisht pranë turmës së tmerruar pas shpërthimit në “Manchester Arena”, por gjesti i tij human ka prekur qindra njerëz.

Sapo ka dëgjuar për shpërthimin në Manchester Arena, në koncertin e Ariana Grandes, ka ndalur taksimetrin dhe i ka ofruar shërbim taksi falas të gjithë familjarëve dhe atyre që kishin nevojë.

“Autobusët u bllokuan kurse veturat lëviznin me vështirësi. Ne jemi profesionist dhe i dimë rrugët më mirë, andaj u vumë në ndihmë”, ka thënë Singht.

Mësohet se edhe pasi është normalizuar gjendja, ata kanë vazhduar të ofrojnë shërbime falas shkaku i situatës së jashtëzakonshme.