Sherr i frikshëm mes shqiptarëve në Spanjë, dy persona theren me thika. Si është gjendja e tyre shëndetësore

Dy shqiptarë të moshës 27 dhe 29 vjeç janë arrestuar në Spanjë si autorë të dyshuar të një vrasje që ndodhi në agimin e së mërkurës. Ata sulmuan me thika dy bashkëatdhetarë, njëri prej të cilëve u godit gjashtë herë me thikë në gjoks dhe shpinë ndërsa tjetri në këmbë.

I pari u dërgua me urgjencë në spital pasi ishte në gjendje të rëndë shëndetësore. Garda Civile e Cantabrias në Spanjë po ndiqte dy të rinjtë, të cilët dyshohet se janë pjesë e një organizate kriminale.

Ata u kapën “brenda pak orësh” në Bordeaux dhe tani ndodhen pas hekurave në pritje të vendimit të autoriteteve spanjolle.

Sulmi në parkim – Ngjarja ndodhi pas orës 12 të së Mërkurës në një zonë parkimi kamionësh në Hoznayo. Të dyja palët mbërritën me automjete dhe gjatë përleshjes fizike, dy autorët e dyshuar nxorën thikat duke shkaktuar lëndimet e rënda.