Shifrat tragjike të Covid-19/ Brazili i udhëhequr nga një president pa ‘protokoll’, mban rekordin botëror të pasojave

Më shumë se 100,000 njerëz kanë humbur jetën nga Covid-19 në Brazil ndërsa  është shteti i më numrin më të lartë të viktimave në botë. Vetëm përgjjatë 3 muajve të fundit, virusi vrau 50,000 persona, por ky numër u dyfishua në vetëm 50 ditë.

Deri më tani ka pasur më shumë se tre milionë raste të konfirmuara, por teksa pandemia nuk është akoma në kulm, dyqanet dhe restorantet tashmë janë rihapur. Presidenti Bolsonaro i cili tashmë njihet botërisht për kritikat në menaxhimin e situatës dhe deklaratave aspak protokollare dhe të menduara mirë, duke minimizuar ndikimin e virusit dhe kundërshtoi masat që mund të godisnin ekonominë.

Ekspertët kanë dënuar mungesën e një plani të koordinuar nga qeveria Bolsonaro pasi autoritetet lokale tani përqendrohen në rifillimin e ekonomisë, e cila ka të ngjarë të nxisë përhapjen e virusit.

Drejtimi i qeverisë federale po bëhet nga një gjeneral i ushtrisë, i cili nuk ka përvojë në shëndetin publik. Dy ministra të mëparshëm të Shëndetësisë, të dy mjekë, u larguan nga puna pasi nuk u pajtuan me Presidentin për masat distancuese sociale dhe përdorimin e hidroksilorokinës si një trajtim, megjithëse studimet thonë se nuk është efektive.

Presidenti Bolsonaro, i cili e ka quajtur Covid-19 një “grip të vogël” dhe është kritikuar brenda dhe jashtë vendit për përgjigjen e tij ndaj shpërthimit tha që ai u shërua nga infeksioni falë ilaçit anti-malarial.

Por ekspertët në Brazil kanë kryer një studim, ku kanë trajtuar 504 pacientë me Covid-19 të konfirmuar, të cilëve trajtimi me hidroksilorokinë, plus azitromicina nuk u bëri asnjë ndikim në gjendjen e tyre shëndetësore 15 ditore.