Shirat e rrëmbyer përmbytin Veriun e Italisë, nis evakuimi në disa zona

Shirat e rrëmbyer janë kthyer sërish në Veriun e Italisë.

Si pasojë e këtyre reshjeve janë përmbytur disa qytete dhe janë shkaktuar dëme të shumta materiale.

Deri më tani mësohet se 80 persona janë evakuuar.

E ditur bëhet se në qytetin e Bolzanos një breshër i rrëmbyeshëm rrëzoi pemët dhe shkaktoi dëme të konsiderueshme materiale.

Edhe në Lombadri situata paraqitet e rëndë, pasi ka filluar rrëshqitja e dherave.

Me dhjetëra automjete janë zhytur në llucën që shkaktuan rrëshqitjet e tokës.

Kurse autoritetet italiane e kanë shpallur nivelin portokalli të alarmit.